Kaffihúsið

Kaffihúsið er í gömlu steinhúsi á fyrstu hæð með innganga frá Frakkarstíg og Kárastíg. Þegar komið er inn Kárastígs megin þá blasir við kaffibarinn með fallegri La Marzocco expressóvél og tveimur Mazzer kvörnum. Ekki má nú gleyma starfsfólkinu sem stendur á bak við barinn, oftast á fullu að afgreiða eða vinna á vélinni.

Kaffismiðjan skartar gömlum húsgögnum sem gerir það að verkum að okkur lýður eins og við séum komin í kaffi til ömmu. Ekki skemmir það nú að við erum með eina ömmu í vinnu hjá okkur sem gefur unga starfsfólkinu ekkert eftir.

Þegar inn er komið þá tekur fólk vafalaust eftir því að við erum með plötuspilara og stórt safn af plötum til að spila. Því má ekki gleyma að ef þið eigið uppáhalds plötu heima, líklega rykfallna, þá ekki hika við að koma með hana og spila hana fyrir Kaffismiðju gestina.

Þegar litið er bakvið kaffibarinn þá kemur í ljós þetta fína kósý horn, þar sem við geymum hægindastólana og barnahornið. Klósettið er þarna líka og svo hrábauna lagerinn okkar.

Þegar gengið er inn Frakkastígs meginn þá blasir við bleiki brennsluofninn okkar, þar sem við brennum allt okkar dýrindis kaffi. Vinstra megin við hann er svo aðstaða fyrir okkur til að pakka, merkja og mala kaffið okkar. Innan af er svo starfsmanna aðstaðan okkar, vel úti látin... segi ekki meir.

Samtals erum við með 7 borð. En við hvert og eitt eru mismunandi margir stólar. Hjá okkur í Kaffismiðjunni þá sitja allir saman, ef þú finnur lausann stól þá sestu í hann. Aldrei að vita nema þú finnir lífsförunaut þinn með þessum hætti.

Mest er að gera hjá okkur á morgnana og um kaffitímann.

Verðlisti yfir það sem við bjóðum upp á:

Matseðill	Verð
Hafragrautur með sultu	300
Croissant	270
Croissant með osti,sultu og smjöri	400
Croissant með súkkulaði	350
Skonsa	350
Skonsa með osti, sultu og smjöri	450
Matarkistu Hafraklatti	450
Frönsk súkkulaðikaka með valhnetum	600
Súkkulaðimoli	180

Kaffi, Te og Drykkir	Verð
		Lítill	Stór
Expressó		270	290
Expressó Macchiato		310	350
Expressó Macchiato í bolla	370
Kaffibolli með ábót	270
Americanó		300	330
Cappuccino	370
Latte	390
Swiss Mokka	490
Heitt Súkkulaði	460
Chai Latte	450
Te	300
Kók í flösku	300
Toppur í flösku	300
Trópí (epla / appelsínu)	300
Hámark	350

Um eigendur kaffismiðjunnar

Kaffismiðjan er lítið fyrirtæki í eigu Sonju Bjarkar Einarsdóttur Grant og Ingibjargar Jónu Sigurðardóttur sem báðar þróuðust sem kaffibarþjónar hjá Kaffitári.

Sonja starfaði sem þjálfari hjá Kaffitári og frá 2000 vann hún að því að setja Íslandsmót og heimsmeistaramót kaffibarþjóna. Sonja er aðlþjóðlegur kaffidómari og ferðast um heiminn að dæma á kaffibarþjónamótum.

Ingibjörg starfaði sem kaffibarþjónn og verslunarstjóri hjá Kaffitári. Ingibjörg keppti í WBC (World barista championship) 2006 í Bern, Swiss og hafnaði í 6. sæti og svo 2007 í Tokyo, Japan og hafnaði í 13. sæti. Þess má geta að til að geta keppt í WBC þá þarftu að skarta Íslandsmeistara titli.